|
Monday, 28 June 2010 |
Ես գիտեմ, որ դուք եղել եք Հայաստանում: Ինչպիսի՞ն են Ձեր առաջին տպավորությունները Ջերմուկի մասին:
Ջերմուկը մի հրաշալի վայր է: Այստեղ սարերը, մաքուր օդը, լճերը, մարդիկ, մրգերը ուղղակի հիասքանչ են: Ես շատ եմ սիրում Հայաստանը՝ հատկապես Ջերմուկը:
Նախորդ Գրան Պրի մրցաշարերից ո՞րն էր ավելի հաջողակ Ձեզ համար և ի՞նչն էր պատճառը:
Նանջինում ես ավելի հաջող հանդես եկա, քան նախորդ Գրան Պրիում, որը տեղի էր ունենում Թուրքիայում: Միայն պարտվեցի չին շախմատիստուհիներին:
Ի՞նչ սպասումներ և նպատակներ ունեք այս մրցաշարից:
Հուսով եմ ավելի լավ խաղալ, քան նախորդ երկու մրցաշարերում, ինչպես նաև կցանկանայի այցելել Ջերմուկի տեսարժան վայրերը:
Բոլոր Գրան Պրի մրցաշարերն էլ ունեն բավականին ուժեղ կազմ: Ի՞նչ կարող եք ասել այս մրցաշարի մասին:
Ուժեղ մասնակիցները մրցաշարը դարձնում են ավելի ուժեղ: Կարծում եմ, որ նման մրցաշարերը խթան են հանդիսանում կանանց շախմատի համար:
Բնավորության ո՞ր կարևոր գծերն եք գնահատում մարդու մեջ և ինպիսի՞ն կուզենայիք տեսնել աշխարհի չեմպիոնին:
Բարիությունը, արդար մտածելակերպը, գթասրտությունը և խելացիությունը: Եվ իհարկե չեմպիոնը պետք է կարողանա հիանալի շախմատ խաղալ:
Տղամարդկանց Գրան Պրի մրցաշարը, որը նախորդ տարի անցկացվեց Ջերմուկում, նվիրված էր աշխարհի 9-րդ չեմպիոն Տիգրան Պետրոսյանի 80-ամյակին, իսկ այս մրցաշարը նվիրված է հանրաճանաչ կոմպոզիտոր Հենրի Կասպարյանին: Ինչանո՞վ եք Դուք ծանոթ նրա ստեղծագործություններին:
Գիտեմ, որ Հենրիկ Կասպարյանը հանրաճանաչ էտյուդիստ է, բայց նրա կոմպոզիցիաներին այդքան էլ ծանոթ չեմ: Միայն ծանոթ եմ նրա «2545 վերջնախաղեր սովորելու դոմինացիա» գիրքին:
|
